Lyflækningar munnhols

Stefán Pálmason

Garðatorgi 5, Garðabær
Sími: 588-8191
Hjólastólaaðgengi: Já

Stefán Pálmason útskrifaðist frá tannlæknadeild Háskóla Íslands árið 2009. Eftir það vann hann í eitt ár við almennar tannlækningar á Akureyri og í Fjallabyggð. Sumarið 2010 fékk hann inngöngu inn í Harvard Háskóla í Boston þar sem hann nam lyflækningar munns við Harvard School of Dental Medicine og Brigham and Women´s Hospital. Á þessum tíma stundaði hann einnig til skamms tíma skiptinám við Háskólann í Toronto og Eastman Dental Institute í London.  Vorið 2012 lauk hann part A af American Board of Oral Medicine diplómat prófunum. Stefán hefur haldið fyrirlestra bæði í Evrópu og Bandaríkjunum ásamt þvi að hafa skrifað fræðigreinar og bókakafla. Stefán hlaut verðlaun ungra vísindamanna á evrópuþingi munnlyflækna í Aþenu árið 2012 fyrir kynningu á rannsókn sinni varðandi Burning Mouth Syndrome. Eftir að hafa lokið námi sínu í Boston síðsumars 2012 fluttist Stefán til Reykjavíkur og hóf störf við lyflækningar munns og almennar tannlækningar. Stefán stundar virka endurmenntun þar sem hann fer á fjölda fyrirlestra og námskeiða á ári hverju með sérstaka áherslu á lyflækningar munns, verkjafræði, tannskaða og ýmsar minniháttar skurðlækningar í munni.

 
Haustið 2014 opnaði Stefán tannlæknastofuna Oral Medica sem staðsett er í Skipholti 33. Tannlæknastofan býður upp á alla almenna tannlæknaþjónustu fyrir bæði börn og fullorðna. Áhersla er lögð á rétta greiningu og meðhöndlun hvers konar vandamála í munni t.a.m. slímhúðarvandamála og verkjavandamála. Einnig er lögð sérstök alúð í að veita veiku fólki með sjúkdóma sem geta haft áhrif á tannheilsu og tannlækningar góða þjónustu. Stefán er einnig einn af eigendum Tannlæknavaktarinnar og sinnir því tannskaða og öðrum bráðatilfellum í miklu magni.